HStAOrient5a: 60r

Eger ibrīşim mecrūḥın mülki olsa dilese ki ibrīşimi qalʿ ėdüb // şikemin çāk ve nefsin helāk ėde mecrūḥa mübāḥ‑mı olur // muḥarrem‑mi? Eyitdi ki mubāḥ olmaz belki muḥarrem olur. Pes dėdüm ki eger // çūb‑i ābnūs ṣāḥibi binānuñ meliki olsa ve dilese ki // ābnūsı qalʿ ėdüb bināsın vīrān ėde ṣāḥib‑i bināya // mübāḥ‑mı olur muḥarrem‑mi? İmām Muḥammed dėdi ki mubāḥdur // Pes ben dėdüm ki yarḥamuka llāhu mübāḥı muḥarreme qıyās deʾb‑i // ʿaql u şinās degüldür. Bu mesʾele ḫilāf üzre qaldı. // Maʿlūm ola ki ibtidā‑yi ḫilāf İmām Şāfiʿī ile aṣḥāb‑i // Ḥanefī mā‑beyninde bu mesʾelede vāqiʿ oldı. Keẕā fī Yevāqītü // l‑ʿulūm ḥikāyet ėderler ki İmām Muḥammed ḥażretleri recül‑i semīn // idi. İmām Şāfiʿī ḥażretleri anlaruñ ḥaqqında buyurmışdur // Mā raʾaytu raǧulan samīnan aḫaffa rūḥan minhu yaʿnī kes̱īf bedenlü // semizlerde İmām Muḥammedden rūḥı ḫafīf dek kimse görmedüm. // İmām Muḥammed fıqhı Ebū Ḥanīfeden ve Ebū Yūsufdan aḫẕ // ėtmişdür. Mesʾele: Menīy‑i ādemī pāk‑mıdur yā pelīd? Cevāb: İmām // Şāfiʿī qatında pākdur Ebū Ḥanīfe qatında nā‑pākdur. Delīl: // Ebū Ḥanīfe eyidür ki ḫurūc‑i menī mūceb‑i ṭahāret‑i kübrādur. Pes // neces olmaq evlādur. Nite‑kim meẕī mūcib‑i ṭahāret‑i ṣuġrā